Twitter Facebook Amharc Raidio Mhacha Menu

Menu ×

15 Jan 2020

Cuirfear tús leis an dara téarma de na ranganna Gaeilge ag Coláiste Chaitríona in Ard Mhacha Dé Céadaoin 15 Eanáir. Mairfidh an téarma 12 seachtain go dtí 8 Aibreán agus is é an costas ná £30 don téarma nó £15 do dhaoine gan tuarastal. Beidh rang ann do gach leibhéal foghlaimeora agus bíonn siad ar siúl i Sruth na Gaeilge ar chúl na scoile. Bealach isteach ó Bhóthar na Naíolainne/Bóthar Dhroichead na Caille.
Beidh an t-ardrang ar siúl oíche Dhéardaoin ó 7pm agus cuirfear tús leo Déardaoin 16 Eanáir ag Bothán na bhFear Ard Mhacha i Lána an Úmha os comhair na cultúrlainne úire. Beidh an rang ar siúl i gcultúrlann Aonach Mhacha a luaithe is a bheas sé ar oscailt sna seachtainí beaga romhainn.

Tá ranganna an Luain i mBeár an Iarnróid le Feardorcha Ó Tuathail ar ais fosta. Meánrang 7pm – 8pm agus bunrang 8pm – 9pm.

Beidh ranganna eile ar fáil sa chultúrlann úr fosta le freastal ar pháistí agus ar theaghlaigh.